قصة مغربية و داكشي

الجزء الرابع

مشيت نقرا داك الصباح الوقيتة لي غنخرج فيها ونمشي فحالاتي كتوقفني ديك الخنيفرية صدماتني شنو غتكون تاهي كتقرا هنا يالاه غنهضر معاها هو يصوني تيلي قلت ليها بلاتي واحد الدقيقة قالت براحتك مع كنجاوب الو السلام السلام كنسمع ديك واش نتا المامون قلت ليه اه هو هذا قاليا انا مروان واش عقلتي عليا قلت ليه وشكون ينساك بدا عليا بكيداير بيخير لاباس كذا الطن قلت ليه منين جبتي نمرتي قاليا راه كنتي صونيتي ليا ديك السمانة فهاذ النمرة وملي خدمتها صونيتلك وجاوبني سي عيسى هو لي عطاني نمرتك قلت ليه اه كنت صونيت علك حيتكنت باغي ندوي معاك فواحد الموضوع قاليا ياك لاباس يكما خاصاك شي حاجة قلت ليه لا ماخاصني والو غي بغيت ندوي معاك فشي حاجة ولكن هاذ الهضرة ماشي ديال التيلي خلي تانجي للمغريب ونديرو شي نهار قاليا نتا فسويسرا دابا ياك قلت ليه اه كنقرا هنا قاليا غنجي عندك تما ومنها نيت نشوفوك قلت ليه بلا متعذب راصك وكذا قاليا مكاين ما ولكن راه اصلا عندي شي خدمة و هذا قلت ليه سير عالله ملي هاكا مرحبا هاهي نمرتي عندك قاليا ان شاء الله السيمانة الماجية هاني عندك قطعت لقيت الخنيفرية مزال كتسنا قدامي قلت ليها سموحات تعطلت علك قالت ليا ماشي مشكل قلت ليها واش نتي كتقراي هنا قالت ليا اه كنقرا معاك شتك قبيلة كالس عيطت لك ولكن مسمعتينيش قلت ليها واقيلا كنت ساهي مديش عليا تمينا خارجين و داويين كتقلقل فيا و نقلقل فيها هي هنا عند خالتها خدامة فداك الريسطو و فنفس الوقت كتقرا شوية قالت ليا اجي بعدا شنو سميتك قلت ليها المامون حسيت بيها بحالا بغات تضحك قلت ليها اودي غضحكي ولفت الأغلبية كضحكهم سميتي قالت ليا سمح ليا ولكن راه زوينة واخا هكاك قلت ليه هانية وشنو سميتك نتي شوية كنسمع شي واحد كيعيط من بعيد سليييمة انا انفوا نشم ريحت شي مغربي كنتلافت ونبدا نقلب عليه صدق داك خونا لي كيعيط سليمة كيعيط على الخنيفرية قالت ليا هانتا عرفتي سميتي سليمة هو يجي داك خونا وقف علينا دوا معايا بلونغلي جاوبتو بالداريجة قاليا مغريبي ياحليلي هو يعنقني قاليا قلييل فاش كنتلاقا مع المغاربة هنا قلت ليه تانا أول مرة نتلاقا مع معريبي قاليا انا دريس مشرفين قلت ليه انا المامون هو يبدا يضحك هي ضربو سليمة قلت ليها اودي غاخليه راه قلت لك ولفت هي هاديك خرجنا من تما مجموعين غادين ضاحكين و كذا واخا مولفتهمش ولكن كيدخلو للقلب شوية هي تقولينا ديك سليمة بسلامة غنمشي للريسطو خدامة هاذ العشية قلت ليها الله معاك ومشات قاليا داك دريس ونتا مخدامش قلت لا لا مخدامش مكاينة تا شهر باش جيت قاليا تانا أول عام ليا هنا قلت ليه شنو تتقرا قاليا دكشي د الهندسة د البناء و كذا جيت نقرا هنا بمنحة من المغريب حيت جيت انا لول فالباك و كذا قلت ليه هاكاك هي نتا من النوع القراي قاليا اودي جيت هنا ماقفلت والو بقينا داويين شوية تامشا فحالاتو ورجعت تانا فحالاتي وآخيرا لقيت معامن نتوانس لغد ليه تلاقيت معاهم نيت النهار ولا كيدوز ممتع شوية مبقاش الملال سولني دريس قاليا واش ساكن مع شي عائيلة هنا قلت ليه لا غا كاري واحد البرطمة صغيرة قاليا وايلي تانا كاري قلت ليه فين قاليا غاهنا كاري مع اسياويين قلت ليه جي كري معايا راني غا بوحدي قاليا وايلي غا بوحدك قلت ليه اه غدا جيب حوايجك كنبقا غا بوحدي الملال قاليا صافي مشات تانا طلعو ليا فراسي دوك الأسياويين مكنتفاهمش معاهم لغد ليه جا عندي وجاب حوايجو و كذا دازت شي سيمانة خونا صدق فشكل واخا فاللول محملتوش من عند الله ولكن ديما هادوك لي كتقول عليهم خايبين هوما لي كيصدقو زوينين و العكس ثاني دابا الخنيفرية الإنطباع الأول لي جاني عليها هو ضريفة بنت الناس وكذا نتمنى متسراش معاها هاذ القاعدة العامة و المجردة ماعلينا واحد النهار مطيبين واحد الطويجين كنتسناوه يطيب شوية كنسمع الدقان فالباب شكون غيكون وحنا مكنعرفو تاشي واحد جات فبالي الخنيفرية ولكن اش غتجي دير عدنا و الليل هذا و استغفر الله مشيت حليت الباب كيبان ليا واحد خونا بحالا ديجا شايفو معرفتوش فاللول هو يتلاح عليا عنقني قاليا المامون اهلا توحشتك سمعت صوتو عاد عرفت بلي هذا مروان الملامح دوجهو تبدلو نسيت عليه جايا لشي عشرسنين مشفتو دخلتو للدار بقينا داويين وكذا تشعا معانا شوية هو يقوليا فاش بغيتي تدوي معايا ضرني راصي قلت ليه اه فكرتيني باقي عاقل على النهار لي جبتي ليا الراسالة لي صيفط ليا خاليد قاليا اه علاش مالها قلت ليه داك النهار نيت مشينا للحبس تسولو عليه وقالولنا بلي نتاحر شي سيمانة قبل قاليا اه راه فخباري دكشي كامل لي وقع قلت وتا كيفاش جبتي ليا الرسالة بعد ما مات سيمانة باش نجيك منلخر شاك بلي خاليد باقي حي جيت نمنطق دكشي لي وقع ولكن مبانت ليا تاحاجة ممنطقية التفسير الوحيد لي كاين هو خاليد باقي ملي سمع هاذشي لي قلت ليه بدا كيترعد عليا ويقول اش هاذ الهضرة وباش غنعرف انا بدا كيخرج راصو ويدخل و يخرج فالهضرة تما عرفتو فراصو العجينة قلت ليه شوف راه عارف بلي شي بلان كاين تما الله يرحم لك الواليدين يلا عارف شي حاجة قولها ليا راني كبرت مبقيتش باقي صفير قاليا شوف الهضرة لي قلت لك هي لي كاينة خاليد مبقيت شفتو منهار عطاني الرسالة و 100% مات هاداك النهار غير خوي بالك راه غير جاب لك الله قلت ليه هاذي اخر هضرة عندك قاليا هاذشي لي كاين معرت علاش زدت تأكدت بلي خاليد باقي حي ولكن شنو لي مانعو يجي لعندي يشوفني راصي غيطرطق قلبنا الموضوغ عارف بلي مغنصور من عندو والو بقينا داويين شوية على القرايا و كذا شوية وانا نقوليه بغيت نعرف السبب لي خلا هادوك يقتلو والديا داك النهار بغيت نعرفكم فاش كنتو خدامين قاليا ولكن...قلت مكاين ما ولكن الليلة خاص نعرف كلشي قاليا انا وخوك خاليد كنا خدامين سيكيريتي عند واحد القطري كيبيع المخدرات الشراب اي حاجة خارجة للقانون بحال المافيا كنا كنخدمو فبزاف د الدول البرازيل كولومبيا بنما الميكسيك...اوا وملي سالات الكونطرا تاعنا بغاو يصفيوها لنا و قتلناهم و رجعنا فحالنا للمغريب وتال دابا معرفتش شكون هادوك لي قتلو واليديك...حيت القطري لي خدامين عندو قتلناه شي ساعة وهو يعاود قاليا شي بلانات دوزهم هو وخاليد بقيت غكنشوف وقاليا البلان ديال ديك ميا والصاك د الفلوس لي عاطاها باش تداوي خوها دوا ليا على الفرملية دوا ليا على السينيغالي... بزااف د البلانات المقودين صدمني هاذشي لي قاليا حسيت بحالا كيعاود ليا شي فيلم ميريكاني وصلات ديك الطناش دالليل بغا يمشي فحالو قبل منسد الباب قلت ليه الى خاليد باقي حي ملي تشوفو قوليه غنلقاك غتلقاك بدا كيضحك ومشا رجعت نعس قاليا دريس تا هاذشي كلو دوزتيه بديت كنعاودليه تاهو تا داني النعاس دازت شي سيمانات كتت ضروري كتصوني للظار ولا هوما تيصونيو الإمتحانات قربو واحد الصباح فايق غا بزز مشينا نقراو كيف ديما انا و دريس و سليمة لقينا الإدارة منظمين واحد الحملة د التبرع لمرضى السرطان مشينا مكاينة قرايا ليوم مع منظمين شي ندوات مهم ريحت نتصنط ليهم و كذا جايبين شي وحدين مراض بالسرطان و شي وحدين كانو مراض و تشافاو مرة مرة كينوض واحد ويقول التجربة ديالو مع السرطان شوية هو ينوض واحد قاليهم انا سميتي سوفو من كولومبيا كنت مريض بالسرطان بدا كيعاود على المعانات ديالو و كذا شوية هو يقول فقدت الأمل فالحياة كنت كنتسنا نموت حتال واحد الليلة هي تدخل الأخت ديالي للدار فرحانة وهازا معاها صاك كبير عنقاتني و قالت ليا قريب تشافا ستغربت حيت معدناش فلوس العملية سولتها قالت ليا واحد السيد تبرع لينا بهاذ الفلوس باش ندير عملية داك الصاك كان عامر فلوس هو باش درت العملية و تشافيت و جيت نكمل قرايتي هنا ملي سمعت هاذ الهضرة لي قال هاذ خونا المومو ديال عيني تحل انفوا سمعت هضرتو تفكرت الهضرة ديال مروان كان قاليا بلي خاليد عطا لشي كولومبية صاك د الفلوس باش تدير لولدها العملية لا اراديا نضت من بلاصتي لقيت كلشي ضاير عندي هي تشدني سليمة قالت ليا تا كلس مالك شوية هوما ينوضو كاملين بداو يصفقو ريحت فبلاصتي و عيني غا فداك خونا لي كان داوي كنضرب على دريس كيشوفيا هو بوحدو لي فاهم لبلان كتسول فيا سليمة قلت ليها لا والو نساي غي سهيت مديش عليا قالت ليا تا ديما ساهي كنتسنا غي ديك الندوة تسالي نمشي نسول داك خونا كنتسنا على احر من جمر انفوا سالات مشيت كنجري عند داك خونا وقفت عليه السلام السلام قلت ليه بغيت ندوي معاك قاليا مرحبا خرجنا من تما معرفتش باش نبدا ليه قلت ليه شنو سميت ختك قاليا وعلاش كتسول قلت ليه واش سميتها ميا قاليا اه ولكن باش عرفتيها وشكون نتا فديك اللحضة تأكدت بلي هذا هو لي دوا ليا عليه مروان قلت ليه كاين واحد الموضوع خاصني نشرح لك قاليا مفهمت والو مشينا لواحد القهوة انا وياه و سليمة و دريس بديت كنشرح قلت ليه عندي اخ كبير مختافي سينين هاذي وكذا وصاك د الفلوس و كولومبيا شرحت ليه لبلان كيفاش قاليا ولكن اش هاذ الصدفة ميمكنش قلت ليه هانتا تشوف يمكن مكتاب هاذشي يوقع قاليا دابا شنو المطلوب مني قلت ليه باغي نهضر مع ميا ضروري لابدة تكون عارفة شي حاجة قاليا موحال تكون عارفة حيت هاذشي دازت عليه سينين قلت ليه مسوقيش خاص نهضر معاها قاليا واخا ولكن هي فكولومبيا دابا قلت ليه ماشي مشكل غنمشي لعندها تال هاذ كولومبيا قاليا الى قدرتي تصبر من هنا شهر كاينة عطلة ديك ساعات نمشيو انا وياك ضورتها فدماغي مزيان شهر بزاف منقدرش نتسنا قاليا دريس مكاين حتاشي ضمان مو تكون عارفة شي حاجة على خوك تسنا تال العطلة الإمتحانات قربو غضرب كلشي فالزيرو دوز الإمتحانات ضورت هاذ الهضرة فراصي قررت نتسنا شهر وخا بزاف معندي مندير خديت النمرة من عند داك خونا قلت ليه شكرا و كذا وسمح ليا قاليا ماشي مشكل الى بصح نتا الأخ ديال السيد لي تبرع ليا انا مدين ليه بحياتي مهم بدينا داويين خديت نمرتو و رجعنا فحالنا و راصي ضارني من هاذشي بين الدول كلهم شوف القدر فين لاقانا بداك خونا علاام هاذ الدنيا هاذ ليام كنفكر غي فهاذ لبلان دازت شي 15 يوم تقريبا الإمتحانات قربو واحد النهار فالعشية جايين من ديك لافاك انا ودريس فواحد الطاكسي انا كنت راكب القدام شوية حنا نوقفو فالضو الحمر حتا كنسمع واحد الصوت كنتلافت كتبان ليا واحد الميرسيديس ضربات رونج من اللور حطيت عيني على ديك الميرسيديس كيبان ليا الشيفور غادي راجع مارشاريال فديك اللحضة قلبي تزعزع لحمي شوك تخلطو عليا ليصونتيمو حيت الشيفور ديال ديك الميرسيديس كيشبه لخاليد واخا دازت 10 السنين على آخر مرة شفتو ولكن عمري نسا الملامح د وجهو بالزربة حيدت السمطة حليت الباب د الطاكسي...يتبع 🌹