قصة مغربية و داكشي

لجزء التاني

حليت ديك الرسالة لي صيفط ليا خاليد من الحبس أول حاجة كنلاحضها الورقة كارمة بحالا تخوا عليها الما و نشفات ماعلينا فهاذ الرسالة خويا نيشان بدا داوي لا سلام ولا كلام بداها ب"سمح ليا اخويا سمح ليا على كلشي لي وقع بسبابي" السطر لي كنقراه كنتخايل المعاناة ديال خاليد فهاذ الضروف عالم بيه غالله كنت عارفو غيلوم راصو على كلشي ولكن معندي لاش نسمح ليه هو مدار والو تاهو مكانش باغي هاذشي هاذ الرسالة اغلب دكشي لي كتب فيها غي سمح ليا و كيوصي فيا على راصي كيدوي بواحد الطريقة بحالا كيودعني حتا قريت فواحد السطر "تقدر عمرك تشوفني مزال" جاتني فشي شكل فاللول مفهمتش شنو كيعني بيها من السطورا لي كنقرا السيد باينة فيهم محطم ديال بصح كل جوج كلمات يعاود ديك النوطة "انا سبابك تا وليتي يتيم و مشرد" محسيتش براصي حتا بديت كندمع قاليا بلي خلا ليا شي فلوس و كذا مجيت فين نسالي الرسالة حتا لقيت راصي عمرتها دموع واقيلا الورقة كارمة حيت تاهو ملي كان كيكتب كان كيبكي عليها بقا ليا واحد السطر قريتو صدمني قاليا منديرش فبالي وننسا هاذشي لي وقع ونكمل حياتي وصاني نكمل حياتي ونعيشها و ختم الرسالة ب"هذشي اخر كلام غتشوفو مني حيت مابقاش عندي الوجه نشوف فيك مزال" ملي ساليت القراية د الرسالة لقيت راصي كنتنخصص بالبكا عاودت قريتها شي 10 المرات واخا هاذشي كامل لي وقع انا مسامح خويا هو اصلا مدار والو باش نسامحو لي خاص يطلبو السماحة هوما هادوك لي كانو سبابنا فهاذ الحالة دخلات عليا خالتي صليحة لقاتني كنبكي خدات الرسالة قراتها هي تشد فراصها قلت ليها مالك قالت ليا هاذ خوك ناوي يدير شي حاجة فراصو قلت ليها وباش عرفتيها قالت ليا راه باينة غا من هضرتو لاحت الرسالة ومشات كتجري عند عمي عيسى شرحات ليه البلان خرجو كيجريو للحبس لي مشدود فيه خاليد لصقت معاهم واخا مبغاوش يديوني فاللول وصلنا للحبس مخلاوناش ندخلو لعند العمدة تاع داك الحبس حيحنا عليهم تما حتا خرج عدنا قاليه عمي عيسى لي كاين كنشوف فردة الفعل ديال العمدة بحالا متصدمش ولا عارف ولا منعرف شدكشي ردة الفعل ديالو بحالا باردة ماشي نورمال قاليا نتا هو الأخ الصغير ديال السجين جاتني فشكل يعرفني قلت ليه اه هو انا وقاليه عمي عيسى بلي مابقا عندو تا حد و كذا وانا خوه قالينا دخلو للبيرو نهضرو غاديين داخلين وحاس بشي بلان ماهواش واقع دخلنا للبيرو قلنا ليه على خاليد قالينا شي اسبوع تقريبا وقعات واحد الحادثة غريبة قلنا ليه شناهي قالينا السجين خالد فلان لقاه واحد الحارس امن داخلي مرمي فالأرض وميت مشنوق اي نتاحر ملي قالها ركابيا فشلو عليا و الدنيا ضارت بيا قالت ليه صليحة لا ميمكنش راكم غالطين غير ليوم وصلاتنا رسالة صيفطها لينا هو نيت قاليها لا ميمكنش الالة ليوم مخرجات حتاشي ورقة من عند السجناء وكنخصصو يوم فالشهر لإستقبال او ارسال رسائل السجناء لعائلاتهم وفقط اسبوع ونصف داز على هاذ النهار يعني تال الشهر الجاي عاد يمكن للسجناء يقومو بإرسال رسالاتهم للعائلات و الأحباب ديالهم فديك اللحضة طلع ليا الأدرينالين ضربت عليه الطابلة وقلت ليه كيفاش هو مات وحتا واحد من عائيلتو مقلتوها ليه ولنفرض بصح مات بأي سلطة غدفنوه و الجنازة ديالو فيناهي واش كتحماقو علينا هو يشدني عمي عيسى قاليا تهدن اولدي اكيد شي سوء تفاهم واقع قاليا داك العمدة حنا انفوا وقعات هاذ الحادثة فتحنا تحقيق وميمكنش نخليو هاذ الأمر سر و بلغنا العائلة ديال خالد فلان بالتفاصيل وطلبو منا منقولوهاش للأخ الأصغر ديالو و العائلة لي تبانتو لي هوما نتوما على ما أظن تفهمنا الرغبة ديالهم دكشي علاش ححتارمناها و مقلناهاش ليكم ونتا اولدي السن ديالك صغير على هاذ الصدمات النفسية ولكن دابا تعرف كلشي من حقك تعرف التفاصي الأخرى قلت ليه شمن تفاصيل قاليا مدفنا حتا شي واحد و مدرنا جنازة ديال تاشي واحد ملي نتاحر خالد فلان الأخ الأكبر ديالك تكلفو الجهات المختصة بتشريح الجثة ولكن ختافات الجثة فضروف غامضة قلت ليه واش كتحماق عليا كيفاش ختافات راه روح هاديك قالينا حققنا مع العائلة ديال السجين المفقود و ومتوصلنا لحتا شي نتيجة مر اسبوع ولدابا باقي معرفناش شنو وقعات للجثة ديال خوك شاكين بلي تقدر تكون تخلطات مع جتت خرين فالمشرحة و تقدر يكونو داوها لمشرحة اخرى بالخطأ بدا طالق علينا داك الطريطمو ديالو هضرة نصها اللغة العربية نصها فرونسي مبقيت فاهم والو خالتي صليحة حيحات عليهم تما قالت ليهم هداك راه بشر ماشي سلعة توضر ليكم بقينا معاهم تما نهار كلو مصورنا منعدهم لا حق لا باطل رجعنا فحالنا وممسروطش ليا هاذ لبلان دازت سيمانة وحنا طالعين هابطين فالكوميساريات و الحباسات خالد معارفين عليه تاشي خبار معارفينو حي ولا ميت انا راصي خرج منو الدخان هاذ السيمانة كترو عليا المشاكيل من موصيبة لموصيبة دابا باغي غا نعرف خويا اش وقع ليه الى مات بغيت نعرف على الأقل ندعيو معاه بالرحمة يلا باقي حي نقلبو عليه معرفنا منديرو ولكن اش غيكون وقع ليه فين مشا وعلاش بهاذ الطريقة شي حاجة لداخل كتقوليا شي بلان واقع تما حاس بلي باقي حي حيت كون بصح مات على الأقل الجثة غندفنوها ولكن بين ليلة وضحاها غبر مبقينا عارفين عليه والو بحالا لارض سرطاتو لا مابلانش كانو عندي بزاف د الألغاز وتزادهم هذا تاهو دازت شهر على هذشي تسدات القضية ديال خويا وعتابروه ميت اودي هذا هو المغرب لا مكان للمنطق تقريبا المدرسة شي 4 شهور مبقيت مشيت ليها المرات لي كنمشي كنبقا غا ساهي بسباب هاذشي لي وقع تبدلات شحال من الحاجة فالدرب مبقا عندي لا صحاب لا والو الجيران مبقاوش كيحملونا من دكشي لي وقع فالعرس ولكن انا اش درت وليت كنتعرض لعنصرية واضحة من الوسط لي عايش فيه هذشي كيزيد يحقدني على بنادم دكشي علاش قررات خالتي صليحة و عمي عيسى يتحولو من هاذ المدينة وفعلا مشينا لمدينة اخرى شرينا دار خرا قلبنا الصفحة ديال الماضي وبدينا صفحة جديدة ولكن عمرني نسا الصفحة لي قلبت ما حييت هاذشي كامل لي وقع ليا فسن صغيرة خلاني نكبر قبل منكبر يعني نضجت قبل منكبر وليت كنميز مصلاحتي جينيراسيو لي محسوب عليها باغيين غا يلعبو و يضحكو ماعلابالهم بوالو اما انا وليت كنفكر غا فالصوفاج باش نقلب على اخويا اولا وننتاقم لواليديا ثانيا دكشي علاش درت راصي فالقرايا وليت هداك الدري المعقد القراي العائلة تصدمو فيا تبدلت 180 درجة هاذشي لي وقع ليا كون وقع لشي حد خور يتسطا ولا يهرب ليه ولكن انا العكس كملت حياتي تعايشت مع الماضي خاليد مخلي ليا شي فلوس ولكن خالتي صليحة بلوكاتهم معنديش فيهم الحق تاتكون عندي 18 عام نهار على على نهار سيمانة على سيمانة شهر على شهر عام على عام حتا دازت عشرسنين هاذ المدة الطويلة جمعت فيها راصي كابر بواحد العقلية فشكل حيت داير قدامي هذف خاصني نحققو خالتي صليحة و عمي عيسى ولاو واليديا هوما لي رباوني و كلشي وليت كنعيط ليهم غي الواليد و الواليدة ولدو واحد البنوتة صغيرة سماوها اسمة ماعلينا دابا عندي 18 عام و خديت الباك ولكن مانسيت حتا كرام من دكشي لي وقع ليا فالماضي كل نهار النار لي فقلبي كتزيد تشعل باقي انا هو انا خاليد مبانت عليه تاشي خبار مهم وبحال اي واحد خدا الباك كنفكر شنو غنقرا وشنو غنتبع حيت باقي خاصني تقلب على خويا مجموعين واحد النهار كنتعشاو كنتناقشو على مستقبالي معرفت مندير هي تفكرني الواليدة فالفلوس لي خلا ليا خويا نسيتهم هادو كاع مهم كانو باغيين يخلصو عليا فشي مدرسة مزيانة هي طيح عليا واحد الفكرة علاش منمشيش نقرا غلى برة بالفلوس لي خلا ليا خاليد جاتني فكرة زوينة قررت نمشي لشي دولة نقرا على برا مكاين ما ولكن...يتبع كاينين جوج احتمالات الإحتمال الأول غتراكيطي وغدير كمنطير فيه الرأي ديالك ولإحتمال التاني غتقرا وتهرب الى راكيطيتي و درتي كمنطير فيه رأيك هو هداك الى قريتي و هربتي كاين جوج احتمالات الإحتمال الأول غنتقلق و الإحتمال التاني مغنتقلقش الى متقلقتش هو هداك الى تقلقت كاين جوج احتمالات الإحتمال الأول غادي نتعطل واحد يوماين ولا 3 الإحتمال التاني مغنتعطلش الى متعطلتش هو هداك الى تعطلت كاين جوج احتمالات الإحتمال الأول غادي ترجع تكومونطي فهاذ الجزء وتبدا تسب وتقول تعطلتي لوح لينا...الخ الإحتمال التاني غادي دوي بإحترام وتقول هضرة محترمة وغتعطي رأيك فالقصة وتزيد حداها راك تعطلتي لوح لينا كاين احتمال واحد فكلتا الحالتين غنلوح حيت اصلا غنكون تعطلت ومالك اخويا على هاذ الحالة تفاعل دابا نيت وعطينا رأيك كيما كان و مغنتعطلش شبعان طريطمو ياكو ياكو 😂😂