قصة مغربية بالدارجة و داكشي 7

الجزء السابع

حال عيني وسط واحد البيت صغيرة و مربوط من يدي و رجلي كنرجع كاسيطة لور اش واقع تفكرت بلي داير مع شي واحد نورمالمو غيعطيني شي معلومات وكذا تال لقيت راصي هنا ولكن هاذ خاينا محن وخاطفني و حاطني هنا بديت كنضور فعيني الغريزة ديال الإنسان وحتا الحيوان هي الحرية دكشي علاش بقيت كنطيح ونوض باش نخرج من هاذ البلاصة أول حاجة حليت يدي ورجلي كيبان ليا واحد الشرجم ولكن صغير و بعيد معندو باش يفيذني واها نهرسو بديت كنضرب فالباب والو مبغاش يتحل سمعت شي صوت طليت ملتحت بانو ليا شي رجلين جايين لعندي تفكرت الشرج طلعت هرستو طاح الجاج خديتو باش ندافع على راصي بقيت واقف كنتسنا الباب يتحل بقيت واقف حتا دخلو جوج مكاكوليين وجهم قاليا واحد فيهم تهدن تهدن حنا مباغيينش نآذيوك قلت ليه واش نتا هو لي صونيتي ليا اش بغيتي اش هاذ اللعب قاليا غا تهدن كنضرب عليهم جايين لجيهتي وبحالا هازين شي لعيبة ف ايديهم بحالا غنخليهم يقربو قصدت واحد فيهم كنضرب فيه تا ضربني لاخر بقينا هاكاك شد ليا نقطع لك تا طيحوني شدني واحد ولاخر دك فيا برة فعنقي فواحد اللحضة ترخاو خديت ديك البرا ضربتها ليه فعينو خرجت من البيت كنجري بعدما سديت عليهم الباب و غادي هربان الى كانو عندهم السوارت دغيا غيحلو الباب مهم خرجت من ديك البلاصة بحال شي مصنع مهجور ولا منعرف مهم ديك الساعات كان الليل مكيبان ليا والو غا الخلا و الضلام بقيت غادي كنجري ولكن كنحس بإيدي و رجلي و عيني كلشي ترخا عليا دارو ليا شي بلان فديك البرة طلعت للشانطي ولكن خاوي بقيت غادي كنجري بحال شي سكران مكنسمع مزيان مكنشوف مزيان كنتلافت كتبان ليا واحد الميرسيديس ورايا جاو علبالي غي هادوك لي كانو خاطفيني لقاوني دغيا ولكن مقادرش نجري وقفات قدامي الميرسيديس بانو ليا شي 3 لا لا شي 333333 واحد نزل منها منوراها مبقيت عاقل على والو فقت وسط بيت النعاس تا كيفاش تاني هاذشي حال عيني على واحد الجمال يكما مت وهاذي حور العين كنضرب عليها كتصاوب فواحد البرة تاكيفاش لي حليت عندو عيني ينعسني ببرة هاذ الطريقة هي كتكسابو فهاذ الدنيا عند بالي غنزيد نعس ملي دكاتها ليا ولكن العكس زدت فقت عطاتني الما قلت ليها فين انا هي تجاوبني بالميكسيكية ولا منعرف ديك اللغة شناهي قلت ليها دوي بلونغلي ولا فرونسي قالت اه سمح ليا نسيت مهم متخافش نتا بيخير دابا متخلع ما والو مكاينش لي غيآذيك هنا قلت ليها ولكن شكون نتي بعدا قالت ليا انا طبيبة...كنضرب على الباب تحل كيبان ليا مروان جاي داخل شكيدير هذا هنا تاهو راصي كان ضارني ودابا زاد ضرني جا حدايا السلام كذا الطن كي بقيتي قلت ليه الله يرحم بيها الواليدين ياما فهمتي عقلي راه وقف قاليا ماشي وقتو رتاح دابا بقا تيسول فيا ويجر ليا لساني تا داني النعاس لغد ليه ضرباتني الفيقة مع الصباح فايق هو هداك مبقيتش مهلوك كنطل من الشرجم كيبانو ليا غا الفيلات شوية هي دخل ديك الفرملية لي هضرات معايا بالميكسكية جابت ليا مناكل لقاتني ميت بالجوع خشيت فوجهي سولتها على مروان قالت ليا راه كيتسناك لتحت نزلت لتحت لقيت راصي ففيلا مقودة بان ليا مروان و الهيندي مريحين فواحد الصالا شافوني بداو عليا كي بقيتي و كذا قاليا مروان غتكون دابا كتقول مع راصك شنو وقع واش كدير هنا قلت ليه اه ولكن مغنسولكش اتريكت الكذابة بدا تيضحك قاليا لا صافي متخافش من حقك تعرف دابا كلشي قلت ليه شنو غنعرف قاليا خوك قلت ليه مالو قاليا راه حي قلت ليه واايلي حلف بالله واش بصح حي نيت ناري مكنتش عارفها كون مقلتيهاش عليا معرفتش شنو غندير شكرا حيت قلتيها ليا قاليا تا مالك قلت تانوض واش مكتوبة عليا حمار فجبهتي على اساس يالاه غنعرفو بلي حي انا قاليا راه عرفتك عارف قلت ليه ومالكم كذبتو عليا علاش ملي سولتك كذبتي وعلاش ملي حي مجاش يشوفني ولو مرة وعلاش وعلاش ووو عندي بزااف د الأسئلة قاليا ملي تلاقا بيه سولو نتا نيت هو غيتكلف وغيشرح لك كلشي قلت ليه فيناهو دابا قاليا هو مكاينش دابا فسويسرا كان هنا شي يوماين دابا ملي كنتي ناعس ولكن جاتو خدمة على غفلة فالمغريب غدا فالغشية غيجي قلت ليه على شحال وانا ناعس قاليا تلثيام قلت ليه ماعلينا هو فاش خدام بعدا قاليا مهم هو من لول قالينا منقولو لك والو تيجي يشرح لك هو كلشي بدينا داويين قلت ليه شنو طرا بالضبط داك نهار قلت ليه كيفاش تا جيت هنا قاليا لقيناك كتجري فالشانطي وجبناك هنا قلت ليه وكيفاش حتا لقيتوني قاليا خلينا وراك واحد تابعك فيما مشيتي هو لي قالينا بلاصتك قلت ليه وعلاش هاذشي كلو شكون هادوك قاليا مالك زربان خلي تايجي خوك هو غيشرح لك كلشي شوية هي تجيب ليا ديك الفرملية تيليفوني كان كيصوني واقيلا الخدامة ديالهم هاذي ولا منعرف جاوبت هذا دريس كيسول فيا تشطن قلت ليه حتا نتلاقاو ونعاود لك وقطعت قاليا مروان ولكن راه كاينة شي حاجة ماشي نورمال قلت ليه فحالاش قاليا خوك مروان حتا واحد معارف عليه بلي عندو خوه لي هو نتا شي واحد عارف علك كلشي بسبابو تخطفتي علاش خطفوك وشكون تاحنا مزال ما عارفين غالبا كانو غيطلبو فلوس باش يطلقوك قلت ليه واش داوي منيتك انا حتاشي واحد معارف عليا هاذ التفاصيل غي جوج صاحبي فديك اللحضة كنسمع شي صوت فالباب كنتلافت كتبان ليا سليمة جايا تصدمت انا فديك اللحضة ولكن هاذي شنو كدير هنا تاهي جات لعندي سلام كذا كي بقيتي كنضرب على مروان و الهيندي جاتهم عادي نضت من بلاصتي قلت ليهم كيفاش تاني هاذشي قالت ليا سليمة كلس غنفهموك كلشي ريحت قاليا مروان بغيتي تعرف كيفاش خوك كان كيعرف علك كلشي قلت ليه كيفاش قاليا ملي جيتي لسويسرا لقينا صعوبة باش نعرفو علك كلشي بلا متعيق بينا دكشي علاش ختارينا سليمة تكون هي لي تجيب لينا الخبار علك قلت ليه ولكن تلاقيت معاها فواحد الريسطو غي صدفة قاليا منوراها وليتو كتلاقاو بزاف النهار لي جيت عندك للدار بالليل دويت معاها هاداك النهار وتافقنا نخلصوها بديت كنمنطق دكشي لي قال عليها السيدة ظيما لاصقة فيا وفيها السوالات بزاف هي باش عرفوني مشيت لكلومبيا وعرفو الظار الجديدة ظيال ميا وديك الحالة كلها نضت من بلاصتي بديت كنتفركع عليهم دايريني بحال شي دري صغير قلت ليهم واش باقا شي حاجة خرا مخبينها عليا قاليا متخافش بهاذي عرفتي كلشي وغدا ملي غيجي خوك غتزيد تعرف شي حوايج خرين...يتبع