قصة مغربية بالدارجة و داكشي 8

الجزء الثامن

حتا كنقول صافي مغتبقا تصدمني حتا شي حاجة وكتبان شي حاجة كتزيد تشتتني ماعلينا ملي كنت مريح مع روان وداك الهيندي و كذا و دخلات علينا سليمة فهموني لبلان كيفاش فهمت بلي كانو حاطين سليمة كتجيب ليهم الخبار عليا مهم اهم حاجة من هاذشي غنشوف خاليد غدا فالعشية بقينا مريحين تما حنا بربعة داوين وكنسولهم و يسولو فيا باقي معرفناش شكون خطفني وعلاش و كيفاش قالت ليا سليمة راه عدنا امتحان ليوم و كذا لقاتني فديك اللحضة اخر حاجة غنفكر فيها هي القرايا قلت ليها خلي تال راطراباج و كذا بدات عليا بلا و غضيع قرايتك و كذا و الطن من هنا و الطن ملهيه قلت لمروان غنمشي ل لافاك و فالعشية غنرجع قاليا بلا متمشي لتصدق واقعا لك شي حاجة تاني نقزات سليمة بدات عليا بديك الهضرة ديال خاصو يقرا و هذا قاليا صافي ولكن غادي نديوكم تال لافاك و غادي نجيبكم قلت ليه صافي سير عالله غادي ركبنا فديك الميرسيديس بعد هاذشي دابا سليمة مغيبقا عندها تاشي دور كنضرب على سليمة ملي طلعنا وهي كتلافت فجنابها دارت ليا السمطة د السلامة وخا مموالفش نديرها خصوصا فالكراسا اللور بانت ليا كتصرف بغرابة بحالا متوثرة مهم قلت مع راصي غي جاب ليا الله و صافي بقينا غاديين مروان كيسول على الطريق كتنعت ليه سليمة شوية هي دوزو من طريق مكديش ل لافاك قلت ليها لا راه ماشي هي هاذي الطريق قالت لا راه ملي جيت من طريق لاخرا كانت فيها كسيدة و فيها الزحام و مقطوعة دابا ركبات فيا الشك حاس بلي شي بلان تما دازت شي نص ساعة و الصرف دزنا من واحد الخلا غاديين فأمان الله حتا كنسمع كلاكصون ديال شي كاميو لور مجيت فين نضور حتا تقلبات الميرسيديس لي راكبين فيها داز دكشي بالزربة كنحس براصي فبلاصة رجليا توعت فراصي و ضلوعي حليت عيني باغي نفهم شنو واقع كيبانو ليا غا الدمايات كون ما السمطة د السلامة كون متنا كتبان ليا سليمة كتحرك ضار عدنا الهيندي كيسول فينا واش وقعات لنا شي حاجة خرج هو و مروان خرجونا من ديك الميرسيديس لي مبقا فيها ميتشاف سليمة سخفات فقدات الوعي معرفتش كيفاش تا باقي حي لقيت واحد الرونج واقفة قدامنا نازلين منها شي وحدين و جايين عدنا كيجريو شدني الهيندي قاليا هرب انا مافاهم والو واها موعت من رجلي هربت دخلت مع ديك الغابة ماشي شي غابة نييت ولكن كاين شوية د الشجر مهم غادي هربان و الهيندي و مروان ورايا تابعيني كيجريو خلينا سليمة تما وهربانين ولاخرين تابعينا شوية كنسمع القرطاس هاناري ميمتي على القرطاس اول مرة نسمعو بوذني مباشرة كنسمع فالقرطاس كيضرب فالشجر كنتلافت عند مروان و الهيندي كيبانو ليا تاهوما جابدين فرادا كيتيرو انا الموت كتبان ليا قدامي كيقولو ليا هرب هرب و انا غادي هربان خليتهم فمنطقة التبادل الحر بالرصاص منوراها بشوية كنسمع صوت البوليس فنفس الوقت مبقيتش كنسمع الرصاص لاخرين مابقاوش كيبانو ليا انا غا غادي كنجري وكلي دمايات بقيت غادي حتا لقيت راصي قدام واحد البحيرة كبيرة مابقا عندي فين نزيد يالاه غنرجع نشد طريق خرا كيبان ليا باطو جاي لجيهتي من ديك البحيرة قلت مع راصي هادو البوليس بقيت كنعيط عليهم شوية كنضرب على وجههم هادو ماشي وجوه البوليس شوية معرت كيفاش معرفتش الدقة منين جاتني و انا غي على سبة طحت فالبلاصة واحد خونا شد ليا يدي كتفني و هزني لداك الباطو وانا كنتركل عليهم تما شوية هو يبان ليا واحد فيهم هاز برة باغي يدكها فعنقي مخليتوش بديت كنترطا عليهم تما شد ليا نقطع حتا كنسمع صوت شي لعيبة ورايا تاني تلافتنا كلنا كيبان لينا باطو خور ورانا هو يكسيريو والباطو لاخر تابعنا ملور شوية كيبام ليا باطو خور قدامنا مبقيت فاهم والو لخرين مابقا عندهم فين يمشيو كنسمع فصوت مروان كيعيط عليا سمعتو بديت كنغوت عليه هو يتكا عليا واحد خونا بواحد الدقة فشلني هادوك لي خاطفيني جبدو الفرادا كيتيريو فالباطوات بجوج بقاو هكاك حتا كيبان ليا الهيندي نقز لعدنا معرفتو منين جا جمعهم خب و تبن جا مروان تاهو بقاو مطايفين تما و انا مضارب مع يدي و ركلي باغي نحلهم داك الباطو كيتزعزع وانا نطيح فالما و مربوط مقادرش نعوم التنفس تقطع بقيت مضارب مع داك الحبس والو مبغاش يتفك عيني بداو كيتغمضو شوية بشوية كيبان ليا شي واحد كيعوم لجيهتي تخايلتو خاليد من تما مبقيت عاقل على والو نفس الديكور تاع اخر مرة كيتعاود حال عيني على هاديك الفرملية نضت مصدوم بدات كتهدن فيا و كذا كنسول فيها شنو وقع قالت ليا صافي راه سالا كلشي قلت ليها شنو لي سالا قالت ليا راه جا خوك خاليد هو لي جابك هنا قلت ليها فيناهو دابا قالت ليا راه ناعس تفكرت بلي هو نعااس حياتو ضيعها غا فالنعاس نايض و عضامي ضاريني هبطت للصالة لقيت داك مروان و الهيندي مريحين تما ريحت بداو عليا بديك هضرة تاع ديما قلت ليهم انا صافي عييت من هاذشي مبقيت باغي والو باغي غي نرجع فحالاتي قاليا الهيندي اودي هاذشي لي شفتي معانا راه والو مقارنة مع دكشي لي دوزنا هاذشي ولا روتيني اليومي قلت ليه يكون روتينك
ولا يكون خوتينك ولا يكون كيما بغا يكون حياتك هاديك انا صافي كتافيت شوية كنسمع صوت شحاال هاذي مسمعتو انفوا سمعتو تفكرت الأيام الخوالي تفكرت الواليدة و الواليد الله يرحمهم وتفكرت الدرب القديم تفكرت الماضي كنتلافت كيبان ليا خاليد واقف ورايا فهاديك اللحضة شداتني التبوريشة من راصي ميسحابليش ملي غنتلاقاه يوقع ليا هاكا بالسيف راه كثر من عشرسنين ماشفتو ملقيت منقول فديك اللقطة بقيت غير ساكت ناضو كاملين خلاونا بوحدنا جا داك المرضي عنقني و بدا تيبكي بلا منحس تانا الدمعة بدات كتسيل بدا كيتنخصص و كيقوليا سمح ليا سمح ليا سمح ليا بقا كيعاود فيها شحال وانا باقي ماقادر نهضر واحد 5 الدقايق وهو غا معنقني تا جاني الشك ليكون من اهل قوس قزح ولا شي بلان انا راه معنديش مع الأحاسيس واخا هكاك واخا يغيب عشرسنين خرا ماعلينا جابت لينا ديك الفرملية ولا معرت خدامة ولا معرت اش جابت لينا الما ريحنا بدا كيقوليا كيداير كذا كيسول فيا كيف كنت عايش و كذا وانا عارفو كان مراقبني بقيت غا مركز ليه على وجهو واخا دازت عشرسينين متبدلش قلت ليه خلينا من هاذ الهضرة دابا كانت عندك القدرة تجي تشوفني ولا على الأقل تقوليا بلي راك حي علاش بغيتيني يبقا غلبالي بلي ميت شنو كان فبالك سينين وانا ضارني راصي بغيت نعرف كلشي قاليا انا غنقولك كلشي شحاال وانا موجد هاذ الهضرة قلت ليه سير عالله هاني كنسمع شوية هي تجي ديك الفرمليةةلي كدك ليا البراوات قاليا اه هاذي راه مرتي هي من الميكسيك كنت تلاقيتها تما مهم باش تعرف كلشي غنبدا لك من نهار لي كتبت لك فيه ديك الرسالة فالحبس ملي كتبتها قلت لمروان يعطيها لك ديك ساعات كنت محطم بزااف الكية ديال الواليد و نجاة مبغاوش يبراو لدرجة فكرت فالإنتحار وملي قاليا مروان بلي الواليدة تاهي ماتت مقدرتش نتحمل مزال كلشي مات بسبابي حتا نتا وليتي يتيم بسبابي مبقاش عندي الوجه لي نشوفك بيه مزال قلت مع راصي غتبقا حاقد عليا حياتك كلها بقيت هاكاك حتا وسوس ليا الشيطان ولات كتبان ليا غا فالإنتحار النهار لي صيفطت لك الرسالة منبعدها بشي يامات حاولت ننتاحر ولكن معرت كيفاش واحد البوليسي شافني هو لي حبسني منبعد عرفت بلي مروان كان مشا عند واحد السينيغالي عاود ليه شنو وقع داك السينيغالي كان صاحبنا وكانت عندو نفوذ ولاباس عليه هو لي دار شي بلان و هربني من الحبس على اساس ميت من تما داوني نيشان لبرة داوني لبسيكولوج تعالجت عندو نفسيا نهار على نهار حتا برات الكية ولكن واخا هكاك مقدرتش نجي لعندكم ونقولكم بلي باقي حي خصوصا بعدما تبعت هاذ الطريق وليت وسيط فهاذشي د المخدرات و كذا قلت ليه هي عمرك كنتي ناوي تجي تقوليا بلي راني حي و هذا قاليا لا لا ماشي هكاك كنت كنقول انفوا نجمع شوية د الفلوس غنبعد من هاذ الطريق و غنجي لعندك ولي ليها ليها قلت ليه وهاذ الفلوس باقي مجمعتيهمش قاليا لا راه صافي بعدت من هاذ الطريق نهائيا كون مبعدتش منها كون راه كاع مكنهضرو دابا ديحا مخطط فهاذ الوقيتة بالضبط غتعرف كلشي وقاليا كاين بلان خور كان مانعني و ممخلينيش نقولك راني حي من اللول قلت ليه شناهو...يتبع