قصة مغربية بالدارجة و داكشي

الجزء الأخير

بعدما مشيت لكلومبيا ميا كتاشفت بلي غير كمين داروه ليا باش يقتلوني تما وخو ميا مامريض بوالو يعني غي بغاو يجيبوني لكلومبيا باش يصفيو معايا الحسابات ديال شحال ملي خطفوني وداوني لداك الكوان حتا فقدت الأمل من حيث لا ادري جات ميا شرحات ليا لبلان وفكاتني غاديين باش نهربو فحالنا فاللحضة لي طلعت لداك الشرجم بغيت نهز ميا لعندي ولكن وقعنا فالمحظور دخل علينا واحد فيهم بدون مقدمات انفوا شاف داك الديكور بدا كيتيري بالرصاص ميا مكتابش ليها تهرب معايا انفوا جات فيها الرصاصة طاحت باقيين عاقلين ملي قلت ليكم بلي هاذ ميا غيجي النهار لي غترد ليا الدين او الخدمة لي درت فيها هي وخوها باش نكون صريح ميا دارت معايا بزاف د الحوايج الزوينين و استافدت من بزاف د الخدمات دارتهم معايا كان علبالي بلي صافي ردات الدين لي عليها شحال هاذي واخا مكنعتابروش دين بقدر مكنعتابرو خدمة انسانية فالحقيقة هاذشي لي دارت معايا كان هو الدين الحقيقي لي دويت ليكم عليه ولي كنت كنقصد من اللول هي ضحات براصها على قبلي متردداتش وجات عتقاتني من هاذو تقلبات الموازين وليت انا مدين هاذشي لي دارت معايا كثر من دكشي لي درت معاها واخا طولت فالهضرة عليها ولكن التضحية ديالها مبغيتش تشوفوها كحدث عابر فقصتي وانما بغيتكم تشوفوها كحدث مؤثر فقصني حيت علم الله اش كان غيوقع كون معطيتهاش الصاك د الفلوس هداك النهار كان ممكن يكونو عائيلتي مزال حية وكان ممكن نكون درت وليدات مع نجاة لي حلمت معاها بزاف كان ممكن هاذ الحكاية تاخد مجرى اخر ولكن شاء الله وما قدر فعل ماعلينا اخر شوفة شفت فميا قبل متموت حسيت بحالا كتقوليا من الشوفات ديالها كمل ستامر قاوم متستسلمش متخليش كاع هاذو لي ماتو يموتو غير هكاك ستوعبت هاذشي مزيان مع راصي وخا حزنت و بكيت و ضرباتني النفس عليها قررت نمضي قدما نقزت من داك الشرجم وخليتها ورايا غادي كنجري فوسط الضلام كنعرج و الدمعة في عيني معارفش فين نمشي ولا شنو ندير لي عارف هو انه خاصني منوقفش هنا بقيت غادي كنجري كنسمعهم ورايا تابعيني الضلام داير المزيان ولكن فالآخير مقدرتش نهرب منهم لقاوني دغيا غاديين راجعين بيا وانا كنفكر بعد هاذشي كلو وهاذ التضحيات كلها كلشي تضرب فزيرو دخلوني للبلاصة لي كنت فيها كتبان ليا ميا مسرحة ميتة موتة متستاحقهاش بديت كنبكي تال ايمتا غيبقاو يموتو الناس العزاز عليا تالين غيبقا هاذشي تالين غيبقا قانون القوي و الضعيف سائد ايمتا البشر و الأمم غيستعملو العقل لي وهبهم الله بيه حنا كبشر تميزنا بالعقل ولكن ماشي كلشي ستعمل هاذ العقل كيما خاص يستخدم بقاو كيضربو فيا تما وانا كنتسنا اللحضة لي غنموت فيها اللحضة لي غنتبع فيها الواليدة و الواليد و نجاة وميا وكلشي حبسو الضرب مبقيتش قاد نتحرك مزال طحت فلارض وانا كلي يأس وحزن كنشوف فالشرجم من هنا كتبان ليا السما بقيت كنشوف حتا دازت واحد السحابة كانت مغطية القمر بان من وراها النور ديال داك القمر القمر هلال معرت علاش فديك اللحضة حسيت بواحد الأمل بحالا داك القمر كيقوليا على سلامتك نوض تشلل فالبارد وتكايس على الما بحالا قاليا داك القمر جاك الفرج عاد فهمت المغاربة شحال هاذي اش كانو كيقصدو ملي قالو محمد الخامس بان فالقمر نضرا للجهل كاين لي تيقها حرفيا ولكن الناس القاريا لي كانت كتآمن بأن الملك رمز السلام بان ليهم داك السلام فالقمر كيما بان ليا فيه الأمل فهاديك اللحضة بالضبط كنسمع صوت التهراس و الضرب كنتلافت كيبان ليا الهيندي هاز 3 دايرهم بحالا هاز 3 البيضات وباغي يديرهم فنص خبزة كيبان ليا مروان حتاهو لي جا قدامو كيقتلو شوية كنحس بشي ليد ورايا ضرت كتلاقا عيني فعين المامون خويا الصغير بتاسمت ابتسامة خفيفة هزني فوق ضهرو كتبان ليا ميا كتعوم وسط دمها قلت ليه يحطني حداها بقيت كنشوفيها لقيتها شابعة موت بديت كنبكي شوية كنسمع مروان قالينا يالاه نمشيو سربيو...الخ هزني المامون وغادي بيا غلى برا طلعنا لواحد الطوموبيل شوية كنسمع صوت البوليس قاليا مروان انا لي عيطت ليهم باش نساليو هاذشي فمرة نخليوهم هوما يكملو هاذشي بطريقتهم اما حنا صافي براك علينا من هاذ الحياة عينا وملينا خلينا نبداو صفحة جديدة قلت ليه ماشي غي غنبداو صفحة جديدة خلينا نبداو كتاب جديد كسيرا الطوموبيل مشينا خرجنا من تما نيشان لواحد الدار لقيت تما المدام قلت ليهم علاش جبتوها قاليا مروان هي لي بغات حبسناها ولكن مبغاتش تبقا تسنانا داوتلي جروحي محسيتش براصي حتا نعست فايق لغد ليه و عضوماتي كنحس بيهم مشخشخين عوالين نرجعو فحالنا للمغريب نهائيا اصريت نحضر للجنازة ديال ميا واخا غير منبعيد دكشي لي درت نيت من وراها شدينا الطيارة لسويسرا بقينا تما واحد سيمانة رتبنا فيها الأوراق حددنا شنو غنديرو جمعنا حوايجنا قادينا الأمور ديالنا قنعت المامون يكمل قرايتو فالمغريب وصل النهار لي غنرجعو فيه للمغريب فالوقت لي كندوزو الباسبورات ديالنا كلشي دوزوه الا المامون حبسوه و داوه لغرفة التفتيش تخلعت انا معرفتش علاش و كيفاش مشيت لعند داك البوليسي قلت ليه اش واقع واش كاين شي مشكيل قاليا شكون نتا قلت ليه راه خويا الصغير هداك لي ديتوه وبغيت نعرف سباب اش ديتوه قاليا واخا اجي معايا مشيت معاه دخلت لديك غرفة التفتيش خدا من عندي الباسبور و انا كنقوليهم غي شنو واقع واحد اللحضة فكرت نهز خويا ونهرب حيت الى عرفو شي حاجة علينا موحال نشوفو الشمس ومبغيتش خويا طرا ليه شي حاجة خرا بسبابي ولكن كانت غتكون اقود غلطة غنديرها حيت بعد شي دقائق لي بديت نصفار و نبياض فيها غا بوحدي كنسمع داك مدير التفتيش قال سمحو لينا هذا غي اجراء احتيازي كنديروه مرة مرة عطانا باسبوراتنا قالينا رحلة سعيدة عاد رجعات فيا الروح نيشان من تما للطيارة لدرجة متلافتش ورايا تخلعت ديال بصح رجعنا للمغريب المامون كان قاليا خاصني نشوف العائلة لي رباتو لي عي مت وبات نجاة لي معنديش الوجه لي نشوفيهم قنعني بلي مكاين لاش نحشم منهم ولا شي بلان الهيندي رجع للهند مروان رجع عند عائيلتو اما انا و المامون و مرتي غاديين لعند العائلة ديال نجاة غادي ليهم ولي ليها ليها مشينا وقفنا قدام الباب قلبي كيضرب المامون دق الباب حلات عليه خالتي صليحة غي شافتو هي تعنقو ديك التعنيقة ختازلات كلشي تما تأكدت بلي كانت بصح دايراه بحال ولدها اما انا انفوا شافتني وتلاقات عيني مع عينيها شداتني التبوريشة عيني غرغرو معرت علاش انا مكنبكيش ولكن الدمعة كتسيل غا بوحدها فالوقت لي كنشوفيها تلاحت عليا عنقاتني بحالا قالت ليا بكي غير بكي اولدي طلق ديك البكية متحبسهاش ودكشي لي درت فهاديك التعنيقة حسيت بواحد الحنان فتاقدتو هاذي شحال ملي ماتت الواليدة و الواليد الله يرحمهم خالتي صليحة تعاملات معايا بحالا ولدها من جلدتها حتاهي بدات تتبكي عمي عيسى كذلك النهار كلو وحنا غي هاضرين هاضرين هاضرين و السوالات مخبيت عليهم والو حيت بصح حسيت بيهظ بحالا والديا كندوي معاهم بحالا داوي مع مي وبا شكرا ليهم حيت رجعو ليا هاذ الإحساس لي فتاقدتو شكرا ليهم حيت حياوه بعد ما مات .

منبعد ما خاليد و المامون رجعو للمغريب قررو يستاقرو تما و بعدو على المشاكل وهاديك طريق الحرام لي ممنها والو المامون كمل قرايتو ودخل مع خاليد فمشروع خاليد كان هو راص المال و المامون هو القرايا خاليد تبدل تماما هاذشي لي وقع ليه بدلو و قتانع بلي الواحد خاصو يقنع بما كتب ليه الله سبحانو و ميمشيش يقلب على حلول خارج الدين او القانون بحجة الصوفاج وبلاد الميزيرية وي بصح هاذي بلاد الميزيرية ولكن مكيعنيش ومكيفرضش علينا نعيشو ميزيريين كلنا عدنا طاقات خاص غي نتيقو فراصنا ونصليو صلاتنا ونقراو قرايتنا و نخدمو خدمتنا واكيد الله مغاديش يخيبنا عمركم سمعتو بشي واحد تاق فالله وخيبو اوا علاش منتيقوش فالله فكرة تستحق المحاولة . ☆النهاية☆